اولا ازيكم وحشتونى جدا جدا جدا
ثانيا انا اسف على تأخيرى وعدم كثره وجودى لكن لاسباب خاصه
ثالثا انا ليا عندكم طلب شخصى واتمنى انكم تعملوه
انا مش هقول المنتدى وعايزين نعمل ونسوى ونخرب الدنيا بقى عشان يكون احلى منتدى والشغل دا لا
انا هقول احنا عايزين نكون عيله واهل ويد واحده سواء فى المنتدى او برا المنتدى
لما نكون اصحاب واهل اكيد هنفيد بعض
انا مشترك فى 20 منتدى تانى ولكن الاستاذ شريف ليه على قلبى طابع خاص وهو انسان محترم وانا احبه جدا واقدره
واحترمه ولما دعانى انى اكون معاه فى المنتدى سجلت نفسى بسرعه وقررت انى اعمل كل اللى اقدر عليه فى المنتدى
بس انا زعلت جدا منكم كلكم بدون استثناء لانى غيبت الفتره دى كلها ومحدش سأل عليا
ولا حتى افتكرنى برساله قالى فيها انت فين
انا دلوقتى هنتهز الفرصه دى واعرفكم بنفسى واتمنى ان كل اللى يدخل يعرف نفسه هو كمان ونسأل على بعض ونطمن
على بعض ويبقى قلوبنا على قلوب بعض
انا تقدرو تنادونى بلمصارع لانى معروف بين اصدقائى Sayed EL rock
عندى 26 سنه
هوايتى الكتابه وبموت فيها وهى اللى واخده تقريبا نص تفكيرى
احلامى انى اكون مؤلف سينمائى وصحفى
عندى مغسله دراى كلين ودى شغلى الحالى
بس مش عارف بقى انا نسيت حاجه ولا ................؟
يا ريت كل اللى يدخل يعرف نفسه ويطمنا عليه
ودى دعوه منى للمحبه
وشكرا ليكم كلكم واشوف وشكم بخير
